序 – Begainer
Begainer 的宗旨是成為一站式的投資及交易平台。我們與常人一樣，沒有得天獨厚的天份和家庭背景，但有增值自己的決心，所以希望讀者與我們一樣先裝備知識，並作負責任的投資決定。這裹的所有內容全部是筆者們自己作的資料搜集、個人見解，我們本著一同成長的目標，為不了解各項投資產品及市場的讀者提供簡易的入門資訊。
筆者 – YW
目前為大學生，於加拿大就讀商學院。於中三時首次接觸比特幣，當時沒有任何前瞻的眼光，只是運氣所然以及有著「先試再說」的心態，所以買了$3000港元的比特幣，後來翻了好幾百倍。故事當然沒有這麼美好，我在翻了三倍時就急急賣了，這時才了解到什麼是只賺到「認知以內的金錢」。
現時醉心於研究技術分析和加密貨幣，目前主要分享加密貨幣相關的項目資訊及個人分析，希望與各位讀者在於加密貨幣大浪潮正式到達之前， 把握機會成為「船上的人」。
寫文章有兩大目的：其一是提供簡單易明的加密貨幣內容，奈何部分專業用詞難以避免，正嘗試在不失文章深度同時簡化內容而努力，為的是顧及每位讀者的需要。其二是令自己更熟悉幣圈的資訊，我深信費曼學習法，教懂別人就是最有效的學習方法，所以做非營利的文章編輯工作自己亦有得益，但仍希望有讀者的支持及 Feedback 令我繼續進步。
幣圈作為新興科技，每天都有令人難以想像的新技術誕生，我希望為大家過濾及挑選有潛力的項目，在此之上加上個人見解，提高你的「認知水平」，當運氣及機會同時來臨之際，好好把握。
目標: 畢業前找到女朋友
筆者 – 王大蛋
19歲，依家喺香港大學讀緊書。考完dse嗰段時間有次同fd打波，佢話遲D諗住月供盈富基金，當時好好奇翻咗屋企之後不斷上網搵資料，從此開始投資之路，但嗰位朋友之後都冇投資。
一開始係玩swing trade港股，之後都有試過玩美股，但時間真係唔適合，而市場都要重新適應，於是就冇繼續。依家專注於期指同cfd交易，不斷自學同改進點樣去炒，同時有幫屋企人投資(買收息股同swing trade 港股)
首先，我希望呢個平台可以當作自己嘅trading diary，記錄自己每筆trade同對於大市嘅諗法，並且可以不停改進自己不停進步。其次，可以喺到寫翻我作為trader我對於trading 或者我身邊發生緊嘅野嘅諗法。
投資已經唔係新鮮事，但點樣先至投資得好而唔係玩玩下？我希望大家可以同我一齊進步:))
目標: 畢業前有100萬
筆者 – 安東尼
我係安東尼，而家喺科大讀緊計量金融，一開始接觸投資的原因其實係受朋友影響，睇到朋友開始學緊trading，又搵到少少錢，自己就喺度諗，有機會可以通過投資develop到一筆passive income，所以想試下。
自己學投資的第一步係由睇MM嘅超級績效開始（相信好多人都係haha)，睇完個時以為自己已經識哂裡面嘅技術分析理論，所以衝入場試，點知即刻受教訓，蝕左少少錢。個時終於體會到技資的理論博大精深，書本嘅理論只係一個依據，實際操作千變萬化，我有好多學問仲需要去鑽研，要再多些時間去實踐。
而家，我依然只係一個投資新手，主要focus係港股的swing trade。我喺呢度分享的都會係自己一些投資的想法，同埋紀錄自己的心路歷程，希望可以同大家分享下咁。除咗呢樣之外，我自己都好熱衷於crypto sector，因為自己之前都有喺crypto公司做過intern，對呢一樣野都有一定認識，來緊都想同大家喺呢度分享下一些唔同crypto值得留意嘅project，同時因為crypto好多背後嘅mechanism都係好technical，所以我都想係呢度幫大家解答下疑問，等大家一起了解多少少，一起學習。
最後最後啦，我覺得對我自己來講，係投資學到一樣好好嘅野，就係心態上的磨鍊，點樣去克服人性上的貪婪，同埋係意料之外保持冷靜去分析，呢一樣野我估對我同大家日後將來無論做咩，都係成功的關鍵。我好開心識到yw同王大蛋，有個機會可以喺呢個平台同大家分享下自己的想法，一同進步！